ហេតុការណ៍នេះដែលបានកើតឡើងកាលពីវេលាម៉ោង០៩និង៥៩នាទីព្រឹក ថ្ងៃទី៩ ខែសីហា ឆ្នាំ២០២០ តាមបណ្ដោយផ្លូវR8 នៅក្នុងបឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ ។
យោងតាមប្រភពត៌មានពីជនរងគ្រោះបានប្រាប់អោយដឹងថា មុនកេីតហេតុគឺរូបគាត់កំពុងជិះម៉ូតូមួយគ្រឿងម៉ាក ហុងដាឌ្រីមសង់ស៊េរីឆ្នាំ2005 ពណ៌ខ្មៅ ពាក់ស្លាកលេខ ភ្នំពេញ1Q-3831 ធ្វើដំណើរតែម្នាក់ឯង តាមបណ្ដោយផ្លូវR8 បឹងកក់ ក្នុងល្បឿនយឺតល្មម ហើយរូបគាត់ពាក់មួកការពារសុវត្ថិភាពត្រឹមត្រូវ ទិសដៅពីលិចទៅកេីត ខណៈពេលធ្វើដំណើរមកដល់អគារកេីតហេតុខាងលើ ស្រាប់តែមានកំណាត់ដែកថ្នាំងអំពៅមួយកំណាត់ខ្លីប្រវែងប្រហែល 4តឹក បានធ្លាក់ពីលើអគារដល់ខ្ពស់ចុះមកក្រោម ត្រូវចំក្បាលម៉ូតូគាត់ពេញទំហឹង បណ្តាលអោយរងការខូចខាត បែកក្បាលម៉ូតូ និង កុងទ័រម៉ូតូរងការខូចខាត ធ្វើអោយគាត់ភ័យព្រលឹងចុងសក់ ។ បុរសរងគ្រោះខាងលេីបានបន្តទៀតថា នេះសំណាងហើយដែលដែកនោះធ្លាក់មកចំក្បាលម៉ូតូគាត់ បេីចំត្រូវគាត់វិញ ប្រហែលជារបួសធ្ងន់ហេីយ ព្រោះដែកនោះ មានចុងស្រួចសល់ពីស្នាមកាត់។
បន្ទាប់ពីកេីតហេតុជនរងគ្រោះ បានស្រែករកអ្នកមេីលការខុសត្រូវ អោយចេញមុខដោះស្រាយ ចំពោះការធ្វេសប្រហែសរបស់ការដ្ឋាន ក៏ដូចជាក្រុមជាងសាងសង់ តែបែរជាក្រុមអ្នកមេីលការខុសត្រូវនៅទីនោះ ជាជនជាតិចិន បានចេញមករេីសកំណាត់ដែក ដែលធ្លាក់ហេីយយកទៅលាក់ទុកនៅខាងក្នុងបាត់ ហេីយនាំគ្នាគេចវេសមិនទទួលត្រូវ ចំពោះគាត់ធ្វើដូចមិនមានរឿងអី ទេីបរូបគាត់រាយការណ៍ប្តឹងសមត្ថកិច្ចអោយជួយរកដំណោះស្រាយជូនគាត់។
ក្រោយកើតហេតុសមត្ថកិច្ចមូលដ្ឋាន បានចុះទៅដល់កន្លែងកើតហេតុ ក៏បានហៅភាគីខាង ការដ្ធានចេញមុខមកដោះស្រាយគ្នាជាមួយជនរងគ្រោះ ហើយជនរងគ្រោះបានទារសំណង100ដុល្លារដើម្បី ជួសជុលម៉ូតូគាត់វិញ តែខាងមេការ ជាជនជាតិវិនសងគាត់តែ70ដុល្លារ ដោយមិនចង់វែងឆ្ងាយ គាត់ក៏ព្រមទទួលយកបញ្ចប់ នៅកន្លែងកើតហេតុតែម្តង។
បន្ថែមពីលើនោះទៀត ប្រជាពលរដ្ឋដែលចោមរោមមើលហេតុការណ៍ខាងលើបាន ប្រាប់អោយដឹងទៀតថា អគារflatiron កំពុងសាងសង់ខាងលើនោះ គឺឧស្សាហ៍មានកំណាត់ដែកខ្លីៗធ្លាក់មកញឹកញ៉ាប់ណាស់ ពួកគាត់បានផ្តាំផ្ញើ តាមរយៈពត៌មានគ្រប់ស្ថាប័ន អោយប្រជាពលរដ្ឋដែលធ្វើដំណើរឆ្លងកាត់ទីនោះសុំបង្កេីនការប្រុងប្រយ័ត្ន ព្រោះនេះមិនមែនជាលេីកទីមួយនោះទេ ៕
0 Comments